Description

Sinkplaat Sessies beloof om immergewild onder aanhangers van eersteklas lewendige opnames te wees. Die Sinkplaat Sessies-konsep het tot stand gekom as ‘n platform waar van Suid-Afrika se top kunstenaars die kern van musiekmaak kan vier: musikante wat in ‘n intieme ruimte – ver verwyderd van die wêreld van glans-verhoë - speel en sing vir vriende wat luister. Die stel het ‘n gepas-minimalistiese, amper industriële gevoel, met sinkmure, antieke houtmeubels en allerlei interessanthede uit vervloeë jare wat ‘n eie soortige karakter aan dié sessies verleen. Hierdie is ‘n móét vir enige musiekliefhebber vir wie ryke akoestiese klanke – waar dit voel asof ‘n kunstenaar sommer net hier neffens jou sit en kuier - ‘n eiesoortige bekoring bied. Refentse sing sy bekende treffers soos: Anoret, Oom Faan Se Plaas, Baby Wat Eet Ons Vanaand? en sy unieke weergawes van Sonvanger, Breyten Se Brief en Lalie.

---

Product Details

Tracklisting